من راسك للساس / بقلم: نرجس عمران

من راسك للساس / بقلم: نرجس عمران

المحكي السوري ….

ـــــــــــــــــــــ

لا تعاند العمر … مو كل طعم سكر

       في فحم وفي ماس

لا تْسَلِم للقهر …. اتعلم من الحجر

       بينداس وبيفج الراس

     إصحى تكون الغيمة

    المنفوخة حتى التخمة

     تشتي خيرا بلا قيمة

    كذبة وبتعدي عالناس

            # # #

    طبع البشر صبور

   عاطبعك إبقى غيور

   إن مرة صابك فتور

   فرفش ليحلا الشعور

      وحاج تعد يا قاسي …….

     من عدك برم احساسي

     من تمي هربوا ضراسي …

     لما شربنا الهوى بالكأس

           # # #

    عامهلك يا عمر علينا…. …

          لا تشد كتير

    بعدا الورود حوالينا ……..

        بتفوح العبير

    لا تنسى يا ما  شو حكينا

    عابوابك نواطير تلاقينا

    بس إنت بالحضن رمينا

    نعيشك من راسك للساس

      نرجس عمران/ سوريا