بيروت…/ بقلم: دلال غانم البنا

بيروت…/ بقلم: دلال غانم البنا

ــــــــــــــ

كيف قدروا يقتلوا فيكي الحلا
ويرقصوا عا جرحك الغفيان
من مَيتك قديش هالشعب أرتوى
ومن خير ارضك ما بقي جوعان
نسيوا عا بحرك عمر شو شموا الهوا
وتنعَّموا عا رملك الدفيان
ونسيوا عا شطِّك كيف يتباهوا غِوى
وما صدَّقوا زاروا ارض لبنان
لا تعتبي عا ناس ما منهم نوا
ولا تعاتبي ل ما قدّروا اللي كان
وشمتوا بجرحك بدل ما يجيبوا الدوا
وغاروا من شموخِك ل ما بينهان
ما يفكروا ست الدني مجدا انطوى
رح ترجعي تشعي بأرض لبنان.

…دلال غانم البنا…