يا أهل البلد / بقلم: ميرفت أبو حمزة
ــــــــــــــــــــــ
يا أهل البلد
حاجي نكد
ليش الحكي
صيحو مدد
شوفو
شي رقوي/ه
للحسد
دخلك
شو صرلك
يا بلد
مش هيك
بيكون السبت
متل الربد
مش هيك
بيكون الأحد
أيام الله بتنعبد
بدنا بنت
بدنا ولد
بدنا ذهب
قلال الجوامع
بالبلد
بدنا كنايس
للبلد
نرفع
صلاه وجراس
تنعمّد ولد
وبعدا البلد
طالع من ترابا نهد
مياتها
متل الشهد
والبنت
عم تنطر وعد
بدا عريس
من البلد
سيبو الحكي
راح العمر
والعين
فرفطها الرمد
راحو الشباب
وما انفك بعدو
هل الرسد
متل الورد
ماتو
وعم يموتو بعد
حرّ وبرد
شو صار
بفصول السني
كلها رعد
وشو ولّعك
يا نار
ما بقي شجره
بالبلد
نقطع عُمد
نصنع لحد
دخلك
شو يعني الموت
كرمال البلد
دخلك شو يعني
كلكن الله
ما كان الله
عندكن واحد أحد
وبينعبد
وعا كل جورو
بينحمد
نامو بعد
جوعو بعد
ما رغيفكن جوعان
والزرع انرمد
إلكن سند
صيحو مدد
شوفو شي رقوي
للحسد
زيحو الربد
فكو الرسد
لولاكن
ما كان انوجد
ولا كان بالدنيا … فسد
